Costau llogi

Ceir gwahaniaeth rhwng maint y gwaith sydd ei angen ar ffilm nodwedd fawr, ac eitem newyddion ar gyfer y teledu lleol. O ganlyniad, mae gan y GLlEM raddfa brisiau sy’n amrywio.

Fel rheol, disgwylir i ddramâu teledu a ffilmiau nodwedd sy’n defnyddio lleoliadau yng nghanol Llundain dalu tua £2,500 am ddiwrnod 12 awr a thua £1,500 mewn dinasoedd eraill fel Newcastle neu Fanceinion.

Byddai ffilmiau hyfforddiant sy’n defnyddio criwiau bach yn costio tua £650 yn Llundain a £400 yn y taleithiau.

Byddai eitemau newyddion, e.e. ffilmio ‘byw’ mewn llysoedd a ddefnyddiwyd i gynnal treialon adnabyddus yn costio tua £250.

Ni chodir tâl am ffilmio y tu allan i’r llys o’r briffordd gyhoeddus oni bai fod angen inni agor y llys, e.e. fel bod cymeriad yn gallu dod i mewn neu allan o’r llys yn ystod y ffilmio.

Mae pob cynhyrchiad yn wahanol a chanllaw yn unig yw’r prisiau hyn felly cofiwch gysylltu â ni i dderbyn dyfynbris mwy manwl ar gyfer eich anghenion penodol.