Sut i gael profiant

Cyfarwyddyd ar gyfer yr ymgeisydd sy'n gweithredu heb dwrnai

Lluniwyd y cyfarwyddyd hwn i'ch cynorthwyo i gael profiant os ydych wedi penderfynu peidio â chyflogi twrnai. Os byddwch chi'n gwneud cais personol am Grant Profiant, bydd yn ofynnol i chi gadw apwyntiad yn un o'n lleoliadau cyfweld.

Sut i gael Profiant - Cyfarwyddyd ar gyfer yr ymgeisydd sy'n gweithredu heb dwrnai (PDF 124Kb)

Pwysig

Darllenwch y cyfarwyddyd hwn yn ofalus cyn i chi ddechrau llenwi'r ffurflenni cais angenrheidiol. Bydd y wybodaeth ganlynol yn eich cynorthwyo i benderfynu a ydych angen profiant ai peidio ac i lenwi'r ffurflenni os ydych. Dylai ateb y rhan fwyaf o'ch cwestiynau am brofiant. Os cewch unrhyw drafferthion wrth lenwi'r ffurflenni neu eich bod angen arweiniad pellach, cysylltwch â'ch Cofrestrfa Brofiant leol os gwelwch yn dda. Mae'r staff yno i'ch helpu, ond nid oes modd iddynt roi cyngor cyfreithiol i chi. Mae gwneud cais am brofiant eich hun yn drefn weddol syml yn y rhan fwyaf o achosion.

Mae'r wybodaeth yn y cyfarwyddyd hwn yn cyfeirio at y gyfraith yng Nghymru a Lloegr yn unig. Os oedd yr ymadawedig yn byw'n barhaol y tu allan i Gymru a Lloegr, gallai system gyfreithiol arall fod yn berthnasol a byddwn yn egluro hyn pan dderbyniwn eich cais. Os ydych angen gwneud cais am Grant Cynrychiolaeth yn yr Alban neu Ogledd Iwerddon, dylech gysylltu â'r llys yn y wlad berthnasol.