Dyfarniadau Cofrestredig - Beth yw ystyr hynny?
Tudalen 1 o 5
Mae'r cyfarwyddyd hwn ar gael ar ffurf pdf hefyd.
Sut mae darganfod a oes dyfarniad wedi ei gofrestru yn fy erbyn?
Os nad ydych yn siwr a oes dyfarniad wedi ei gofrestru yn eich erbyn, neu os nad ydych yn siwr ym mha lys y cofrestrwyd y dyfarniad, gallwch chwilio drwy'r Gofrestr i ganfod hynny.
Gallwch wneud hyn trwy anfon ffurflen gais neu lythyr i:
173/175 Cleveland Street
Llundain
W1T 6QR
Neu gallwch eu ffonio ar 020 7380 0133.
Bydd rhaid i chi dalu ffi. Gwnewch eich siec neu archeb bost yn daladwy i 'Registry Trust Ltd' am y ffi gywir. Gallwch gael gwybodaeth am y ffi a chael copi o'r ffurflen gais gan unrhyw lys sirol neu gan Registry Trust Ltd.
Bydd Registry Trust yn anfon manylion unrhyw gofnodion sydd ganddynt amdanoch dan eich enw a'ch cyfeiriad. Bydd y manylion hyn yn cynnwys:
- swm a dyddiad y dyfarniad;
- enw'r llys sirol lle rhoddwyd y dyfarniad; a
- rhif yr hawliad.