Rydw i eisiau ysgariad - beth ddylwn i ei wneud?
Tudalen 5 o 10
Pa ffurflenni fydd eu hangen arnaf?
Byddwch angen tri chopi o Ffurflen D8 (deiseb ysgaru).
Os oes gennych blant, byddwch hefyd angen tri chopi o Ffurflen D8A (datganiad o drefniadau ar gyfer y plant).
Mae un o'r copïau hyn i'w gadw gennych chi, un copi ar gyfer y llys ac un copi i'r llys ei anfon at eich gwr neu wraig.
Os ydych yn ysgaru eich gwr neu wraig oherwydd iddynt gyflawni godineb â rhywun yr ydych yn ei enwi yn eich deiseb, byddwch hefyd angen copi o'r ddeiseb ar gyfer y person hwnnw.
Bydd nodiadau Ffurflen D8 yn eich cynorthwyo i lenwi eich deiseb.
Os ydych chi'n meddwl ei bod hi'n bosibl na fydd rhaid i chi dalu ffi, rhaid i chi gael Ffurflen EX160 (cais am gael eich eithrio rhag talu ffi neu gael dileu'r ffi).
Mae'r holl ffurflenni hyn hefyd ar gael mewn llysoedd sirol ysgariad. Byddant yn eu rhoi i chi'n rhad ac am ddim.
Ffurflen D8 – cliciwch ar y llun i’w ehangu. Mae hwn yn dangos sut mae’r ffurflen yn edrych ar ôl cael ei llenwi.