Mabwysiadu Rhyngwladol a Chytundeb yr Hâg 1993
Tudalen 11 o 14
Pa ffurflenni a dogfennau fydd y llys eu hangen?
Bydd y llys angen:
- Eich ffurflen A59 - Cais am Orchymyn Mabwysiadu – wedi ei llenwi, a thri chopi; ac
- os yw’r plentyn wedi ei eni yn y DU, copi ardystiedig o dystysgrif geni lawn ar gyfer y plentyn, neu os yw’r plentyn wedi’i fabwysiadu’n flaenorol, copi ardystiedig o’r cofnod yn y Gofrestr Plant a Fabwysiadwyd.
- os yw’r plentyn wedi ei eni y tu allan i’r DU, copi ardystiedig o dystysgrif geni wreiddiol y plentyn, unrhyw dystysgrif/datganiad gadawiad, neu lle bo’r plentyn wedi’I fabwysiadu, copi ardystiedig o’r cofnod yn y gofrestr fabwysiadu fel y cydnabyddir yn y Dardd-wlad neu gopi ardystiedig o’r dystysgrif fabwysiadu.
Efallai y bydd yn rhaid i chi hefyd ddarparu unrhyw rai o’r canlynol, gan ddibynnu ar eich amgylchiadau:
- os oeddech chi’n barti yn yr achos, copi o unrhyw orchymyn terfynol sydd mewn grym yn ymwneud â’r plentyn, ac, os yn bosibl, copi o unrhyw gytundeb cynhaliaeth neu ddyfarniad cynhaliaeth mewn perthynas â’r plentyn;
- os oeddech chi’n barti yn yr achos, copi o unrhyw orchymyn terfynol sydd mewn grym yn ymwneud â brawd, chwaer, hanner brawd, hanner chwaer, llysfrawd neu lyschwaer i’r plentyn;
- lle bo rhiant i’r plentyn wedi marw, copi ardystiedig o’r dystysgrif farwolaeth;
- os ydych chi’n cyflwyno tystiolaeth o’ch priodas neu bartneriaeth sifil, copi ardystiedig o’ch tystysgrif briodas neu dystysgrif partneriaeth sifil;
- os yw’ch priod neu bartner sifil wedi marw, copi ardystiedig o’r dystysgrif farwolaeth;
- os ydych chi wedi cael ysgariad neu fod eich partneriaeth sifil wedi’i diddymu, copi o unrhyw archddyfarniad absoliwt neu archddyfarniad yn diddymu’ch priodas, neu gopi o unrhyw orchymyn diddymu neu ddirymu eich partneriaeth sifil;
- unrhyw dystiolaeth ddogfennol yn cefnogi’r rhesymau paham eich bod yn gwneud cais i fabwysiadu heb eich priod neu bartner sifil, megis archddyfarniad ymwahaniad barnwrol;
- os yw’r plentyn yn dod i fyw i’r DU ac nad ydych chi (neu yn achos cwpl, y naill neu’r llall ohonoch) yn Ddinesydd Prydeinig, rhaid i chi gael cadarnhad gan y Swyddfa Gartref bod y plentyn wedi ei awdurdodi i ddod i’r Deyrnas Unedig a byw’n barhaol yno;
- os yw eich enw, fel y’i nodwyd ar y ffurflen gais yn wahanol i’r enw a nodir ar unrhyw dystiolaeth o briodas neu bartneriaeth sifil yr ydych yn ei hanfon gyda’ch cais, unrhyw dystiolaeth ddogfennol i egluro’r gwahaniaeth.
Nid yw hon yn rhestr oll-gynhwysol o’r dogfennau y gellid bod eu hangen ar y llys. Fe welwch restr o’r dogfennau sydd i’w rhoi ynghlwm ar y ffurflen gais A59. Gallwch gael copïau o ffurflen A59 gan unrhyw un o’r llysoedd arbenigol sy’n ganolfannau mabwysiadu rhyngwladol, neu o wefan GLlEM: http://www.dca.gov.uk/family/procrules/
|
|
^ Brig
|