Llenwi'r ffurflenni
Tudalen 1 o 10
Mae'r canllawiau hyn ar gael ar ffurf pdf hefyd.
Cyn i chi ddefnyddio'r canllawiau hyn
Gwnewch yn siwr fod gennych gopi o'r callawiau Plant a'r llysoedd teulu. Bydd yn eich helpu i ddefnyddio rhai rhannau o'r canllawiau hyn.
Y ffurflenni a'r gyfraith
Y ffurflenni y byddwch yn eu llenwi yw'r rhai hynny y mae'n rhaid i chi eu defnyddio yn ôl y gyfraith. Fe'u gelwir yn 'ffurflenni rhagnodedig'. Nid oes angen i chi wybod y gyfraith er mwyn llenwi'r ffurflenni ond os ydych yn dymuno darllen mwy am y gyfraith bydd angen y canlynol arnoch:
- Deddf Plant 1989
- Rheolau Achosion Teulu 1991(os ydych yn gwneud cais i lys sirol)
- Rheolau Llysoedd Achosion Teulu (Deddf Plant 1989) 1991 (os ydych yn gwneud cais i lys achosion teulu).
Bydd y wybodaeth ar dudalen 4 yn eich helpu i benderfynu pa lys y mae'n rhaid i chi wneud cais iddo. Mae'n bosibl y bydd gan eich llyfrgell leol gopi o'r Ddeddf ac o'r Rheolau. Mae nifer o newidiadau wedi'u gwneud i'r Rheolau ers iddynt gael eu cyhoeddi gyntaf felly gwnewch yn siwr eich bod yn eu gweld i gyd.