Plant a'r llysoedd teulu
Tudalen 6 o 11
Cyfrifoldeb Rhieni
Beth yw 'cyfrifoldeb rhieni'?
Mae'r Ddeddf Plant yn datgan beth yw cyfrifoldeb rhiant a phwy sydd â chyfrifoldeb rhiant.
Os oes gennych 'gyfrifoldeb rhiant' yr ydych yn meddu ar yr holl ddyletswyddau, hawliau ac awdurdod sydd gan fam neu dad, yn ôl y gyfraith, dros eu plentyn.
Bydd y rhestr hefyd yn dangos i chi ei bod hi'n bosibl na fydd gan rai tadau gyfrifoldeb rhiant a'i bod yn bosibl y bydd gan rywun nad yw'n rhiant gyfrifoldeb rhiant, os bydd llys yn gwneud gorchymyn sydd yn ei roi iddynt.
Mae gennych gyfrifoldeb rhieni os:
- mai chi yw mam y plentyn
- dyfarnwyd gorchymyn cadwraeth neu orchymyn preswylio i chi ar gyfer y plentyn
- dyfarnwyd gorchymyn amddiffyn brys i chi ar gyfer y plentyn
- mai chi yw un o warcheidwaid y plentyn
- ydych wedi mabwysiadu'r plentyn
- mai chi yw tad y plentyn ac yr oeddech yn briod â mam y plentyn pan gafodd y plentyn ei eni
- mai chi yw tad y plentyn ac nad oeddech yn briod â mam y plentyn pan gafodd y plentyn ei eni ond:
y dyfarnwyd gorchymyn preswylio i chi erbyn hyn
neu y dyfarnwyd Gorchymyn Cyfrifoldeb Rhieni i chi erbyn hyn
neu yr ydych wedi gwneud Cytundeb Cyfrifoldeb Rhieni gyda mam y plentyn
neu yr ydych ers hynny wedi priodi mam y plentyn
neu yr ydych, ers 1af Rhagfyr 2003, wedi'ch cofrestru fel tad y plentyn o dan baragraffau (a), (b) neu (c) adrannau 10(1) neu 10A(1) Deddf Cofrestru Genedigaethau a Marwolaethau 1953 neu'r gyfraith gyfatebol yn Yr Alban neu yng Ngogledd Iwerddon.
|
|
^ Brig
|