Plant a'r llysoedd teulu - Deddf Plant 1989
Tudalen 1 o 11
Mae'r canllawiau hyn ar gael ar ffurf pdf hefyd.
Y rhai y bwriedir y llyfryn hwn ar eu cyfer
Unrhyw un sy'n credu y dylai llys wneud penderfyniad ynghylch plentyn. Yn y llyfryn hwn mae 'plentyn' fel arfer yn golygu rhywun sydd o dan 18 oed. Mae'r llysoedd yn gwneud y rhan fwyaf o benderfyniadau ynghylch plant gan ddefnyddio cyfraith o'r enw Deddf Plant 1989.
Bydd y penderfyniadau hynny yn ymwneud, o bosibl, â'r materion a ganlyn:
- ble fydd y plentyn yn byw
- pwy fydd y plentyn yn ei (g)weld
- pwy sy'n gyfrifol am y plentyn
- cefnogaeth ariannol i'r plentyn.
Cofiwch fod y llyfryn hwn: yn ymdrin yn unig â rhai penderfyniadau y bydd llysoedd, o bosibl, yn eu gwneud o dan Ddeddf Plant 1989 ac mai canllaw yw, yn hytrach na datganiad o'r gyfraith.
Bydd y llyfryn yn dweud wrthych:
- sut i ofyn i lys wneud penderfyniad ac yn eich helpu i benderfynu a ydych am barhau ar eich pen eich hun, neu a ydych am fynd at dwrnai.
Ond ni fydd y llyfryn hwn yn eich helpu i benderfynu:
- beth i'w ofyn i lys ei wneud neu ai mynd at lys yw'r ffordd orau o helpu'r plentyn.
Rhaid i chi benderfynu beth i'w wneud ond gallwch gael gwybodaeth a chyngor gan lawer o bobl ac o lawer o leoedd.