Ceisiadau am brofiant
Ceisiadau drwy dwrnai | Ceisiadau personol
Gellir gwneud ceisiadau drwy dwrnai, notari neu fargyfreithiwr
Gwneir oddeutu 70% o geisiadau drwy dwrnai, notari neu fargyfreithiwr. Mae'r taliadau a godir gan dwrneiod, notarïaid neu fargyfreithwyr ar eu cleientiaid yn amrywio yn ôl nifer o ffactorau (yn cynnwys cymhlethdod yr achos), ac felly nid oes modd nodi costau nodweddiadol neu gyfartalog.
Y ffi sy'n daladwy i'r Gwasanaeth Profiant ydy £40 (mae hwn yn cysylltu i dudalen Saesneg), ond os ydy gwerth yr ystad yn £5,000 neu lai, nid ydy'r Gwasanaeth Profiant yn codi unrhyw ffi.
Prosesu ceisiadau
Ceir pum prif gam wrth brosesu pob cais:
- Bydd y twrnai, y notari neu'r bargyfreithiwr yn cyfarfod â'r cleient ac yn cymryd y manylion gofynnol neu bydd y cleient yn darparu'r wybodaeth.
- Bydd y twrnai, y notari neu'r bargyfreithiwr yn paratoi'r papurau er mwyn i'r cleient dyngu'r llw.
- Bydd y cleient yn tyngu'r llw gerbron twrnai annibynnol neu gomisiynydd llwon
- Bydd y twrnai, y notari neu'r bargyfreithiwr yn anfon y papurau i Gofrestrfa Brofiant i'w prosesu ynghyd â'r ewyllys wreiddiol, Ffi a Chyfrif Cyllid y Wlad
- Bydd staff yn y Gofrestrfa Brofiant yn archwilio'r papurau, a rhoddir grant cynrychiolaeth a fydd yn cael ei anfon at y twrnai, y notari neu'r bargyfreithiwr unwaith y bydd y Gofrestrfa'n fodlon bod y cais yn ddilys
Ceisiadau personol
Gwneir ychydig dan draean o geisiadau gan geisyddion sy'n gweithredu'u hunain. Y ffi sy'n daladwy i'r Gwasanaeth Profiant wrth wneud cais personol ydy £90 (PDF 68KB), ond os ydy gwerth yr ystad yn £5,000 neu lai, ni chodir unrhyw dâl.
Prosesu ceisiadau
Mae pum prif gam yn gysylltiedig â gwneud cais personol:
- Gall y ceisydd gael gwybodaeth, cyfarwyddyd a ffurflenni ar y safle hwn neu gan y Llinell Gymorth ar gyfer Profiant a'r Dreth Etifeddu a'r Gofrestra Brofiant (ffôn: 0845 3020900)
- Bydd y ceisydd yn llenwi'r ffurflenni a'u hanfon i'r Gofrestrfa Brofiant ynghyd â'r ewyllys wreiddiol os oes un ar gael, copi swyddogol o'r dystysgrif marwolaeth a'r ffi
- Bydd staff yn y Gofrestrfa Brofiant yn archwilio'r cais ac yn paratoi'r papurau gofynnol
- Bydd y ceisydd yn mynychu apwyntiad yn y Gofrestrfa Brofiant neu'r Swyddfa Brofiant am gyfweliad ac i dyngu'r llw
- Rhoddir grant cynrychiolaeth a bydd yn cael ei anfon at y ceisydd unwaith y bydd y Gofrestrfa Brofiant yn fodlon bod y cais yn ddilys
Ceir rhagor o wybodaeth yn
PA2 Sut i gael Profiant
PA3 Ffioedd Profiant