Unedau Gofal Tystion
Mae Unedau Gofal Tystion ar gael ledled Cymru a Lloegr. Mae'r unedau hyn yn rheoli gofal Dioddefwyr a thystion dros yr erlyniad o'r adeg y caiff y diffynnydd ei gyhuddo hyd at gasgliad yr achos a chânt eu staffio ar y cyd gan gynrychiolwyr o'r Heddlu a Gwasanaeth Erlyn y Goron. Serch hynny dylid cofio nad yw'r unedau hyn yn adeiladau'r llysoedd. Mae'r Unedau'n darparu'r gwasanaethau canlynol:
- Un pwynt cyswllt ar gyfer dioddefwyr a thystion, h.y. mae hyn yn golygu y dyrennir swyddog penodol ar eich cyfer, a fydd yn bwynt cyswllt i chi ar gyfer pob cysylltiad drwy gydol yr achos, gan eich llywio drwy'r broses cyfiawnder troseddol a chydlynu cefnogaeth a gwasanaethau eraill ar eich cyfer;
- Asesiad llawn o anghenion yr holl ddioddefwyr a thystion dros yr erlyniad pan fydd y diffynyddion wedi pledio'n ddi-euog. Mae hyn yn helpu i ganfod gofynion cefnogaeth penodol, megis gofal plant, trafnidiaeth, anawsterau iaith, materion meddygol ac mae'n amlygu meysydd sy'n achosi pryder, h.y. os ydych yn teimlo y gallech gael eich bygwth;
- Adolygiad parhaus o'ch anghenion drwy gydol yr achos; a
- Gwell cyfathrebu gyda chi am eich achos gan gynnwys dweud wrthych am y canlyniad.
Os ydych yn Ddioddefwr neu'n Dyst dros yr Erlyniad ac nad yw'r Uned Gofal Tystion wedi cysylltu â chi eto dylech siarad â'r heddlu a fydd yn eich rhoi mewn cysylltiad â'r Uned agosaf.
^ Brig
|